RR

الراعي

نزل الراعي ع بيروت حامل كاميرا

فات بمظاهرة ع اساس الروس بالوعي مزنرة

التقى ب الايجو والابوي وهوي طول عمرو تشاركي بياكل من النفس الصحن بلا نتورة

ما لقا غير ستو جوا الكادر

قال لحالو مين هاو؟

مين القمر مين الشمس ليش المثقف بدر؟

فركب السيارة قدام كونو بحب الشوفرة

قرر الشوفير يشحط فريم !لحظة ل يطبش المشورة

منعرف انو الظلم موجود من اول كف كلتو عن اختي لي ذنبا قلم حمرة ب ايام الطيشرة

وعرفنا البضاعة مغشوشة من لما الصار الحمص بعلبة صغيرة متل سيغار المفخرة

وين الوعي وين الولد الصغير قدام كل هالمسخرة

عنف وحروبات ونظام اكل حقنا ونحنا حقنا بين كتافنا وبلا كل هالشوششرة

عقلك حقك ف قبل ما تقلي عالزوجل اقرا قلي واين الكتب واين حاج محتكر البهورة

دورت ب بديتا وحورتعلا واليمونة وما لقيت لاقم ولا مكة ولا مدينة منورة

نحرا منقرا الطرقات لنفك الحجر حجر حجر

نحنا الطرقات  نحنا البنت نحنا الصبي نحنا الكتب نحنا الحرف نحنا بحر وزيد فوقن مرمرة

الزلمي بكتب التاريخ قتل العالم والمرا حرة خلفت الكل والكل استنقص منا المرا

لكان بالسيف او صاروخ او كلام جديد نسي امو واختو وقال للاسكالوب احوي صحن المجدرة

لك يلعن الحدود والمصطلحات والدعايات وبضهرن صالة الاوبيرا

عكتر الباطون والثقافة والنضال صار معنا برانويا وقلب وفشة محمرة

حشكتو براسنا المؤامرات ! طلع كلو كذب ونظام صغير برواحنا يحرق رب العنترة

كنت اسقي الزريعة لستي ل اخد الف ولا بحياتي فكرتا راسمالية او اي شي خصو بسياسة مدردرة

قلنا طبيعة بشرية هشتو علينا بس ع كتر غوالنا حببناكن السنترة

 ngoh ngoh ngoh ع ايش

تعا ل قلك

صواتنا من السهل بتفك اللغز

ومن بيوتنا ع بيوتنا ضو ولوكس

فقبل ما هدي بطني شفتو للبوكس

بس يخي اني عفوي ما براسي حلبة ولا بدولش ليش انجمع لينين و ماركس

بس فيني افهم لوح السامبا وابعد عن لوح المارس

وكمان بفهم ليش التفاح الجردي رايح دعس

وفيني عد من السفر للخمسطعش

ستطعش سبعطعش تمنطعش

اكلنا العنف من صغرنا

بس وين اهلنا هل كانو الضحية ام نشف قلمن وضلت هالمحبرة

تحياتي من حد الصوبيي تحيات صحن الكشك والكوبة بلبن بعز البرد والزنطرة

نحنا هاون انتو وينكن هيك

نحنا مكملين وعينا من ناسنا من كل بنت وكل صبي مش عارفين الفرق بين البيض البلدي والجندرة

Contributor
حمزة شمص

حمزة شمص  فنان بصري ولد في ريف بعلبك ، انهى دراسته الجامعية في معهد الفنون الجميلة  بيروت  في قسم السينما عام ٢٠١١-٢٠١٢، بدآ عام ٢٠١٤-٢٠١٥  بانتاج سلسلة مستقلة من الفيديوهات اسمها النمل.الاخوت وهي عبارة عن سرد بصري لعدة مواضيع متفارقة بين الريف والمدينة، في اب عام ٢٠١٧ اطلق مبادرة لجمع الكتب وفتح مكتبة لاولاد وشبان وشابات  قريته  وذلك بهدف جعل المعرفة متاحة للجميع وان لا تظل حكرا على العواصم حيث استطاع ان يجمع حوالي ٢٠٠٠ كتاب ومجموعة من الافلام والالعاب اليدوية، بدآ مشروع المكتبة يتطور ليصبح العمل مع الاصدقاء على جعل المكتبة مساحة حرة ومفتوحة تتيح وتنتج وتشارك المعرفة  مع الجميع

Post Tags
Share Post
No comments

LEAVE A COMMENT